Kuri uyu wa 5/8/2019 nyakubahwa Buramatari w’lntara yacu nziza ya Bujumbura GACUTI NADINE yaramutse yugurura isekeza ridasanzwe ku murwa mukuru wa Komine KABEZI rizokorwa muma komine icenda ryo gusigurira abarongoye abandi mu bisata vyose bigize amakomine yacu ingingo nkurunkuru zahinyanyuwe mw’itegeko rigenga amatora yo muri 2020. Iyo nama rero yari yatumiwemwo abarongoye abandi mu ma zones, kumitumba, abarongoye amashirahamwe n’amashengero, abaserukira igiporisi igisirikare n’abandi bose barongoye ubuzi kurwego rwa komine ndetse n’abandi banyacubahiro batari bake bavuka muri komine kabezi barangurira imirimo mu zindi Ntara. Twobamenyesha yuko iryo sekeza rizobandanya kugeza ku mitumba yose igize intara ya bujumbura.
